‘O BENE TUOJO

‘O BENE TUOJO

Cià papà,
a ddo staje e comme staje?
mille vvote m’addumanno,
‘e mille vvote diche sempe ‘o stesso;
nun ‘o ssaccio,
ma che pavasse pe te tene cu me.

Cià papà,
ije parlo comme si stisse ca;
pe me ‘a vita è nu revuoto,
senza e te e megljo nu saccio fa;
ma po’ te penzo,
e tutta ‘a malincunia me passa.

Famme felice vieneme nzuonno,
dimme sulo comme staje;
che faje e si me pienze maje,
spero ca lloco nu staje mieze ‘e guaje;
comme stongo ije?
che t’ò diche ‘a fa,
me mantengo a galla pe nu n’affucà.

Pe me si stato nu buonu pate,
pirciò me manche assaje;
ma si tiene nu poco ‘e tiempo
fattella na cammenata dint’e penziere mje;
pecchè quanno me lassaste,
ero troppo piccerillo pe capì,
‘o bene tujo.